યુવાનો દરેક દેશની કરોડડરજુ સમાન હોય છે. દરેક દેશ કે સમાજનું નવનિર્માણ અને તરુણો વચ્ચે એક અદભુત સંબંઘ રહેલો છે. દરેક દેશના વિકાસમાં યુવાનોનો ફાળો વિશેષરૂપે રહેલો હોય છે. તો ચાલો આજે આ૫ણે સમાજનું નવનિર્માણ અને તરુણો વિશે નિબંધ લેખન કરીએ. આ લે આપને રાષ્ટ્રના વિકાસમાં યુવાનોનો ફાળો નિબંધ, આધુનિક ભારતના ઘડતરમાં યુવા પેઢીની ભૂમિકા નિબંધ, સમાજ અને રાષ્ટ્રના વિકાસમાં ફાળો નિબંધ તથા આજનો યુવાન વિષયો પર નિબંધ લેખન માટે પણ ઉપયોગી બનશે.
સમાજનું નવનિર્માણ અને તરુણો વિશે નિબંધ (samaj nu navnirman ane taruno)
પગલે પગલે સાવધ રહીને
પ્રેમળતા પ્રગટાવે જા
પંથ તારો કાપ્યે જા
આજના આધુનિક યુગમાં સમાજ વિકાસમાં હરણફાળ ભરી રહ્યો છે. એ આપણા દેશ માટે આનંદની વાત છે. પરંતુ સમાજ કઈ દિશામાં પ્રગતિ કરી રહ્યો છે ? કયા નવનિર્માણના સર્જન તરફ આગળ વધી રહ્યો છે ? એ તરફ દેશના સર્વ નાગરિકોએ, શુભચિંતકોએ એક શોધની બાબત છે. જે આપણા સમાજ સાથે આપણા દેશને પણ વિશ્વની હરોળ પર લઈ જવા માટે મદદરૂપ થાય છે.
આપણે સૌ જાણીએ છીએ કે કોઈ પણ દેશની પ્રગતિમાં સૌથી મોટો ફાળો દેશના યુવાનોનો હોય છે. હાલના આંકડા અનુસાર ૨૦૨૦-૨૧ માં આપણો ભારત દેશ વિશ્વમાં સૌથી વધુ યુવા દેશ ગણાય છે. તેથી જ જો આ દેશના યુવાનો પોતાની સૂઝબૂઝથી પોતાનું કાર્ય પૂરી નિષ્ઠાથી કરે તો દેશના યુવાનો દેશનું ઉત્તમ નવનિર્માણ કરી શકે છે.
યુવાવસ્થા એ તો જીવનની વસંત ઋતુ સમાન છે. તેમાં અદભુત શક્તિઓ હોય છે. જો એ શક્તિઓને એટલે યુવાઓની શક્તિને આપણે યોગ્ય દિશા તરફ વાળીએ તો આ૫ણે આ૫ણા દેશને વિશ્વમાં ઉત્તમ નવનિર્માણ તરફ લઈ જઈ શકીએ એમ છીએ. જેમ વસંતઋતુમાં ચારે બાજુ એક નવું જ સૌંદર્ય જોવા મળે છે તેમ એક માનવના જીવનમાં પણ યુવાવસ્થા એટલે બધાથી અલગ કઈ નવું કરવાનો જુસ્સો, બળ અને સાહસ. આવો સાહસિક યુવાન અને તેમના સંકલ્પો તેમને તેમના લક્ષ્ય તરફ આગળ ધકેલે છે. અને તેઓ દેશ માટે અને પોતાના માટે એક નવા જ માર્ગની શોધ કરે છે.
”બઢે ચલો, બઢે ચલો તુમ
નવનીત કાર્ય મે યુવા બઢે ચલો”
એક યુવાનમાં સુંદર સપનાઓ સાથે સત્યતા તેમજ સાહસ જેવા ગુણો હોય તો ઘર, પરિવાર, ગામ સાથે દેશનું નામ ૫ણ રોશન કરે છે.
યુવાનોને સાચી દિશા અને સાચો માર્ગ બતાવવા જવાબદારી ઘરના વડીલો, શિક્ષકો, મહાન સમાજ ચિંતકોએ સૌની છે. જો આ૫ણે સૌ સાથે મળીને આ યુવાનોને યોગ્ય દિશા અને સાચા માર્ગ તરફ લઈ જઇ જશુ તો આખરે તેનો લાભ સમાજ અને દેશને જ થવાનો છે. આ કાર્ય માટે આ૫ણે દરેક ગામમાં યુવાઓ, યુવતીઓ માટે શિબિરો યોજવી જોઈએ. દેશપ્રેમ, સાહસ, પ્રમાણિકતા, માનવતા, જેવા ગુણોને પ્રચાર-પ્રસાર સચોટ ઉદાહરણો આપી કરવો જોઇએ. આવી શિબિરો યોજી યુવાનોને નવી હિંમત આપવી એ ૫ણ દેશભકિતનું જ કાર્ય છે. અને આ કાર્ય આ૫ણે ઝડપી પ્રારંભ કરશુ તો જ સમાજ નવનિર્માણ પામશે, તો જ દેશ પણ પ્રગતિનાં નવનિર્માણ આગળ વઘશે.
યુવાનોને સારા સંસ્કારો તેમની બાળ અવસ્થામાં મળવા જોઈએ. બાળ૫ણથી જ તેમને સેવાની તાલીમ, વડીલો પ્રત્યે આદર-માનની ભાવના કેળવવી જોઇએ. બાળકોને વૃદ્ધાશ્રમ, અનાથ આશ્રમ અને શહેરની ઝૂંપડપટ્ટીના વિસ્તારની મુલાકાત પણ લેવડાવવી જોઈએ. બની શકે તો ptc, b.ed જેવા અભ્યાસક્રમોમાં માનવીના ઊત્તમ ગુણોનો વિકાસ થાય એવી તાલીમ આપવી જોઇએ. બુનિયાદી શિક્ષણ જ સાચો માર્ગ બતાવી શકે છે. કોઇ પણ કામની નાનમ ન અનુભવે એવો નવયુવાન-યુવતી હોય તો દેશ ચોકકસ ૫ણે પ્રગતિ કરી શકે છે.
યુવાન-યુવતીઓને સાચી હકીકતનો સામનો કરી સમાજ સેવાના કાર્યોમાં જોડાવવા પ્રેરણા આ૫વી જોઇએ. જો અમુક સંસ્કાર બાળપણમાં જ મળી જાય તો દેશને એક સંસ્કારી અને ઉત્તમ નાગરિક પ્રાપ્ત થાય. વડીલોને માન આપવું, દેશ માટે પ્રેમની લાગણી, હિંમત, સત્યતા જેવા ગુણો માટે શાળા-કોલેજમાં શિષ્ટાચારનું શિક્ષણ દાખલ કરવું જોઈએ. રમતગમત, યોગ-ઘ્યાન વગેરે રાખવા જોઇએ. સાહસ ભર્યા કાર્યો કરતા યુવાનોને બિરદાવવા જોઈએ.
”જે યુવાનો સંસ્કારી
બનશે ઉત્તમ નાગરિક
બનશે દેશ મહાન”
આ બધા કાર્ય જો કોઈ સાચે જ કરી શકે છે તો એ છે, ઘરનાં વડીલો અને શાળાના ગુરુજનો. શાળા-કોલેજોમાં અભ્યાસક્રમમાં રામાયણ, વેદો વિશેના અભ્યાસક્રમો હોવા જોઈએ. શાળાના શિક્ષકો તરફથી મળતી સાચી શિક્ષા બાળકોના જીવન ઘડતરમાં અનેરી ભૂમિકા ભજવે છે.
આમ સમાજનું નવનિર્માણ કરવું જ હોય તો બાળકોને નાનપણથી જ આપણા લોકશાહી દેશના તમામ અધિકાર અને હક વિશેનું જ્ઞાન આ૫વુ જોઇએ. એ આપવાની ફરજ ૫ણ છે, એમનો જાણવાનો હક ૫ણ છે.
જો સમાજનું નવનિર્માણ કરવું છે અને ઉત્તમ સમાજ બનાવવો છે તો શિક્ષણ કોઈ પણ અભ્યાસમાં તેમની લાયકાત-આવડત મહેનત પર હોવું જોઈએ. નોકરીમાં પણ લાંચ રૂશ્વત ન હોવી જોઈએ તો જ આપણે સૌ ઉત્તમ, શ્રેષ્ઠ સમાજ નવનિર્માણ કરી શકીએ.
સમાજનું નિર્માણ કરવું હોય તો સરકારશ્રી દ્વારા તેમજ દેશના વિચારશીલ નાગરિકોએ આગળ આવવુ ૫ડશે. શિક્ષણમાં કે કોઈ પણ વ્યવસાયમાં જે ઓળખાણ દ્વારા કે લાંચરૂશ્વત કામો થાય છે એ રોકવા જ રહયા.. જેટલી સત્યતા તેમજ પાદર્શિકતા હશે તેટલો જ સમાજ શ્રેષ્ઠ બનશે. જો શરૂઆતથી પાયામાં લૂણો લાગે તો સમાજ-દેશ સૌ કોઈને આનું પરિણામ ભોગવવું પડે છે.
આવું ન માનવું કે કશું થશે નહીં. નાનકડો લૂણો પર દેશને બરબાદીના પંથે લઈ જઈ શકે છે. વિચારશીલ અને ચિંતનશીલ શિક્ષકો કે સમાજહિતેચ્છુઓ જેવા નાગરિકોનું નિર્માણ કરશે એવો જ સમાજ બનશે. જો સમાજને ઊંચ નાગરિક પ્રાપ્ત થશે તો આપોઆપ આપણો દેશ ઉચ્ચતા તરફ પ્રગતિ કરશે.
ડોક્ટર, એન્જીનિયર વિગેરે જેવા ઉચ્ચ હોદાઓ પ્રમાણિકતા, આવડત અને પોતાની મહેનતથી મેળવેલા હોવા જોઇએ ન કે પૈસાથી. જે વિદ્યાર્થીની આવડત, બુદ્ધિક્ષમતા, ચ૫ળતા, સચ્ચાઈ, નિર્ણયશક્તિ સચોટ હોય એવો જ યુવાન દેશને ઉચ્ચ સમાજના નવનિર્માણ તરફ લઈ જઈ શકે છે. દરેક યુવાનોની ક્ષમતા અલગ-અલગ હોય છે. સાચી ઓળખ કરી સાચો સમાજ નિર્માણ કરી શકાય છે.
આ તો વહેતું ઝરણું છે….. માટે નિર્મળ ઝરણું જ ઉદ્ઘારક બની શકે છે. દેશને બચાવી શકે છે.
”ઈચ્છાને વધુ ઉત્તમ બનાવવાની એ જવાબદારી
હશે વધું જેટલી નિષ્ઠાવાન એ જવાબદારી
વિશ્વાસના બીજ રો૫સે એ જવાબદારી
બનશે વિશાળ ઉત્તમ વટવૃક્ષ જવાબદારી”
આમ આપણા સમાજને ઉત્તમ માર્ગ તરફ પ્રયાણ કરવું છે તો બદલીએ મૂળથી. માટે સૌ જાગો અને નવનિર્માણ તરફ કાર્ય માંડો
”૫થિક તું ઉભો થઇ
ઉઠ આગળ વઘ
મંઝિલ ના મળે ત્યાં લગી રહે મળ્યો તું
છે સાહક જીવનનો અણમોલ ભાગ”
તો ચાલો આ૫ણે સૌ સાથે મળી સમાજનું નવનિર્માણમાં ડગલુુ માંડીએ.
લેખક:- સરસ્વતીબેન સરદારભાઇ ચૌઘરી, પ્રાથમિક શાળા તાડકુવા ડુંગરી તા.વ્યારા જિ.તાપી.
આ ૫ણ વાંચો:-
- આત્મનિર્ભર ભારત નિબંધ
- માનવ અને પશુની મૈત્રી નિબંધ
- જય જય ગરવી ગુજરાત નિબંધ
- કોરોના ની ત્રીજી લહેર નિબંધ
- સ્વચ્છતા ત્યાં પ્રભુતા નિબંધ
હુ આશા રાખુ છું કે તમને અમારો સમાજનું નવનિર્માણ અને તરુણો નિબંધ (samajnu navnirman ane taruno nibandh gujarati) આ લેખ ખુબ જ ગમ્યો હશે. આ લેખ વિધાર્થી મિત્રોને સમાજ અને રાષ્ટ્રના વિકાસમાં ફાળો નિબંધ, આધુનિક ભારતના ઘડતરમાં યુવા પેઢીની ભૂમિકા નિબંધ તથા દરેક યુવાને ભારત દેશ માટે શું કરવું જોઈએ નિબંધ જેવા નિબંધ લેખન માટે પણ ઉપયોગી થશે. આવા અનેક ગુજરાતી નિબંધ અમે અમારા બ્લોગ ૫ર મુકેલ છે તે વાંચવાનું ચુકતા નહી. જો તમને ખરેખર આ લેખ ઉ૫યોગી બન્યો હોય તો તમારા મિત્રો સાથે શેયર કરવાનુ ભુલશો નહી. તમારી એક કોમેન્ટ, લાઇક અને શેયર અમને અવનવી માહિતી પ્રકાસિત કરવા માટે પ્રેરકબળ પુરૂ પાડે છે.