દર વર્ષે 12 જૂનના રોજ વિશ્વ બાળમજૂરી વિરોધ દિન (World Day Against Child Labour) તરીકે ઉજવવામાં આવે છે. તેનો હેતુ બાળ મજૂરી અને માનવ તસ્કરીના જોખમ વિશે લોકોમાં જાગૃતિ લાવવાનો છે. તો ચાલો આજે આપણે આ લેખમાં વિશ્વ બાળમજૂરી વિરોધ દિન કેમ ઉજવવામાં આવે છે? તેનો ઇતિહાસ, થીમ, મહત્વ (World Day Against Child Labour in Gujarati) વિશે માહિતી મેળવીએ.
યુનાઈટેડ નેશન્સ (યુએન) અનુસાર, વિશ્વભરમાં 16 મિલિયનથી વધુ બાળકો બાળ મજૂરીમાં રોકાયેલા છે.
નિમ્ન-મધ્યમ-આવકવાળા દેશોમાં તમામ બાળકોમાં બાળ મજૂરીનો હિસ્સો 9 ટકા અને ઉચ્ચ-મધ્યમ-આવકવાળા દેશોમાં 7 ટકા છે.
વિશ્વ બાળમજૂરી વિરોધ દિન ઉજજવાની શરૂઆત કયારે થઇ?
યુનાઈટેડ નેશન્સે બાળ મજૂરી વિરુદ્ધ વિશ્વવ્યાપી ચળવળને પ્રોત્સાહન આપવાના હેતુથી 12 જૂન, 2002ના રોજ વિશ્વ બાળ મજૂરી વિરોધી દિવસની ઉજવણી કરવાની ધોષણા કરી હતી.
તેનો ઉદ્દેશ્ય 5 થી 17 વર્ષની વયના ઘણા બાળકોને યોગ્ય શિક્ષણ, યોગ્ય તબીબી સેવાઓ અથવા મૂળભૂત સ્વતંત્રતાઓ આપીને સામાન્ય બાળપણ આપવાનો છે.
ત્યારથી દર વર્ષે 12 જૂને વિશ્વ બાળ મજૂરી નિષેધ દિવસની ઉજવણી કરવામાં આવે છે.
વિશ્વ બાળ મજૂરી વિરોધી દિવસનું મહત્વ (World Day Against Child Labour in Gujarati)
વિશ્વ બાળ મજૂરી વિરોધી દિવસ સમગ્ર વિશ્વમાં બાળ મજૂરીના પ્રમાણ અને ગંભીરતા તરફ ધ્યાન દોરે છે.
આ દિવસ સરકારો, નોકરીદાતાઓ, નાગરિક સમાજ સંસ્થાઓ અને વ્યક્તિઓને બાળ મજૂરીનો અંત લાવવા અને બાળકોના અધિકારોને સમર્થન આપવા માટે પ્રોત્સાહિત કરે છે જેથી એક એવી દુનિયા બનાવવામાં આવે જ્યાં તમામ બાળકો તેમના અધિકારોનો આનંદ માણે અને શોષણ અને દુર્વ્યવહારથી મુક્ત હોય.
આ વખતે થીમ શું છે?
વિશ્વ બાળ મજૂરી વિરોધી દિવસ 2023 ની થીમ ન્યાય અને બાળ મજૂરી વચ્ચેની કડીના સંબંધમાં ‘બધા માટે સામાજિક ન્યાય, બાળ મજૂરીનો અંત’ છે.
વર્ષ 2022 માં, વિશ્વ બાળ મજૂરી વિરોધી દિવસની થીમ ‘બાળ મજૂરીને સમાપ્ત કરવા માટે સાર્વત્રિક સામાજિક સુરક્ષા’ હતી, જ્યારે વર્ષ 2021 માં આ દિવસની થીમ ‘હવે સક્રિય થાઓ, બાળ મજૂરીનો અંત કરો’ હતી.
વિશ્વ બાળ મજૂરી વિરોધી દિવસ કેવી રીતે ઉજવવામાં આવે છે?
બાળ મજૂરીના નુકસાનને પ્રકાશિત કરવા અને બાળકોના અધિકારોને પ્રોત્સાહન આપવા સરકારો, આંતરરાષ્ટ્રીય સંસ્થાઓ, નાગરિક સમાજ સમુદાય અને વ્યક્તિઓ દ્વારા વિવિધ પ્રવૃત્તિઓનું આયોજન કરવામાં આવે છે.
આ દિવસે, યુએન બાળકોના અધિકારો વિશે જાગૃતિ ફેલાવવા માટે સેમિનાર, ઝુંબેશ અને પેનલ ચર્ચાઓનું આયોજન કરે છે.
જો તમે ઇચ્છો તો, તમે સોશિયલ મીડિયા પર બાળ મજૂરી રોકવા માટે કેટલાક જાગૃતિ અવતરણો અને સૂત્રો વગેરે પોસ્ટ કરી શકો છો.
હું આશા રાખું છું કે તમને અમારો કેમ ઉજવવામાં આવે છે વિશ્વ બાળમજૂરી વિરોધ દિન- જાણો ઇતિહાસ, થીમ, મહત્વ (World Day Against Child Labour in Gujarati)નો લેખ ખૂબ જ ગમ્યો હશે. અમે આવા વિવિઘ વિષયો ૫ર ગુજરાતી નિબંધ, ગુજરાતી વ્યાકરણ અમારા બ્લોગ પર પ્રકાશિત કરતાં રહીશું. જો તમને ખરેખર કંઈક નવું જાણવા મળ્યું હોય અને આ લેખ ઉપયોગી બન્યો હોય તો તમારા મિત્રો સાથે share કરવાનું ભૂલશો નહીં. તમારી એક like, comment અને share અમને વધુ લખવાની અને તમને અવનવી માહિતી પૂરી પાડવા માટે પ્રેરકબળ આપે છે. તમે અમને ફેસબુક, ટેલીગ્રામ, ઇન્સ્ટાગ્રામ, યુટ્યૂબ અને ટ્વિટર પર ફોલો કરી શકો છો.